ချောင်းသာမှသည်..ပုဂံမြေဆီသို့...

ပျော်ရွှင်ခဲ့တဲ့.ချောင်းသာကမ်းခြေကို ..နေ့လည် (၁)နာရီလောက်မှာ..နှုတ်ဆက်ပြီး.....ပုဂံညောင်ဦးကိုခရီးဆက်ခဲ့ကြပြန်တယ်။ လာလမ်းအတိုင်း..ရန်ကုန်-မန္တလေး အဝေးပြေးလမ်းမအသစ်ပေါ်ပြန်သွားပြီး.မိတ္ထီလာ ကနေသွားမလား..ဒါမှမဟုတ်..ပုသိမ်-မုံရွာလမ်းမကြီးကနေဆက်သွားမလားဆိုတာလဲ...ဆီဖြည့်ရင်း..တိုင်ပင်ကြသေးတယ်။ ကုတ်ကြီးကတော့..တခါမှမသွားဖူးသေးတဲ့.ပုသိမ်-မုံရွာလမ်းမကြီးကနေသွားဖို့အားသန်နေတာနဲ့.. အဲလမ်းကပဲသွားဖို့..ဆုံးဖြတ်လိုက်ကြတယ်။

အစပိုင်းကတော့..ဒီလမ်းမကြီးဟာ...သိပ်မဆိုးပါလားလို့...လမ်းအခြေအနေကြည့်ပြီး...၀မ်းသာမိလိုက်ပါသေးရဲ့။ ညီညာပြေပြစ်လှတဲ့ ကတ္တရာလမ်းမကြီးမှာ လက်တွဲဖော် ၈ဂ/၅၇၈၀ ရဲ့ Turbo သံ တရွှီးရွှီးနဲ့..ကားလေးဟာ ရိပ်ခနဲ..ရိပ်ခနဲ..သွားနေတာ။ ဒီလမ်းမကြီးပေါ်မှာတော့..ဂိတ်တိုင်းဟာ...သုံးရာကျပ်ပဲကောက်ကျတယ်။ ညနေပိုင်း နေ၀င်ဆည်းဆာတွေ့တာနဲ့.ထုံးစံအတိုင်း..ကင်မရာထုတ်ပြီး...90km/h မြန်နှုန်းနဲ့သွားနေတဲ့ကားပေါ်ကနေ ရိုက်ခဲ့မိတဲ့ပုံကတော့..ဒီလိုပါ..........

နေ၀င်ဆည်းဆာမြင်မှပဲ..အားလုံး..ညနေစာမစားရသေးမှန်း..သတိရမိလိုက်တယ်...ခက်တာက....နောက်ဆုံးလမ်းကြေးပေးတဲ့(အမည်အမှတ်မိ)မြို့ကနေစပြီး.ခုချိန်ထိ.....မြို့လို့ဆိုင်းဘုတ်ရှိတဲ့နေရာကို..မမြင်ရသေးပါဘူး။ သုံးလေးမိုင်လောက်မောင်းလိုက်..ရွာလိုလို..လဖေ့ရည်ဆိုင်လိုလိုနဲ့.အိမ်ခြေ..15 အိမ်လောက်ပဲရှိတဲ့.နေရာတွေကိုပဲ..မြင်မိသေးတယ်။ ရှေ့မှာဘာတွေရှိမလဲဆိုတာလဲ.မသိ....

ဖျတ်ခနဲ..သတိရလိုက်မိတယ်.....ချောင်းသာမှာ..နေ့လည်စာစားဖို့ဆိုပြီး.မှာထားတဲ့.ထမင်းနဲ့ဟင်းတွေကို..မစားဖြစ်ပဲ...ပါဆယ်ယူလာတယ်လေ။ ဒါနဲ့..ဘယ်နေရာမှာစားမလဲဆိုတာ. .ကားပေါ်ကနေပဲ..လိုက်ကြည့်ရင်း..ဖြည်းဖြည်း ချင်းပဲ.အရှိန်လျှော့မောင်းလိုက်တယ်။

မြင်နေရတာကတော့.ဘာရွာမှန်းတော့.မသိပါဘူး။ ထူးဆန်းတာတစ်ခုကတော့...လမ်းဘေးမှာ.လယ်ကွင်းနဲ့စိုက်ခင်းတွေရှိတယ်..လယ်ကွက်တိုင်းမှာ...အုတ်ဂူလေးတွေရှိနေကြတာပါပဲ..တချို့လယ်ကွက်တွေမှာတော့.အုတ်ဂူ နှစ်လုံးလောက်ပဲရှိပေမယ့်...တချို့လယ်ကွက်တွေမှာ..ငါးလုံး၊ခြောက်လုံးထိရှိတာလဲ..မြင်မိတယ်.....

ဒါနဲ့ဆက်သွားလိုက်ရင်း....အုတ်တံတိုင်းနဲ့သေချာခတ်ထားတဲ့..စေတီနဲ့.ဇရပ်လေးတွေ့တာနဲ့...မောင်းဝင်လိုက်တယ်။ အနေအထားကြည့်ရတာတော့..ပြုပြင်ထိန်းသိမ်းစောင့်ရှောက်တဲ့သူရှိတဲ့ပုံပါပဲ။ ဇရပ်ကိုလဲ..ရှင်းလင်းအောင် လှဲကျင်းထားတာမြင်လိုက်ရတော့..ညနေစာကို.ဒီမှာပဲစားမယ်ဆိုပြီး..အားလုံးကားပေါ်ကဆင်းလိုက်ကြတယ်။

စေတီကိုလက်ယာရစ်လှည့်လည်ကြည်ညိုရင်း..စေတီရဲ့အနောက်ဖက်မှာ...ဘုန်းကြီးကျောင်းဆောင်နဲ့လူနေအိမ်တစ်လုံးကို..သစ်ပင်တွေကြားကနေလှမ်းမြင်လိုက်တယ်။ ခဏနေတော့..အမယ်အိုတစ်ယောက်..ရောက်လာပြီး. ဘုရားဖူးတွေထင်တယ်..အေးဆေးနားကြပါလို့..လာပြောတယ်။

ပါလာတဲ့..ထမင်းနဲ့ဟင်းထုပ်ကိုဖြည်ပြီး..အားလုံးဗိုက်ဆာဆာနဲ့လွေးလိုက်ကြတာ..စကားတောင်မပြောဖြစ်ကြပါဘူး။ အားလုံးကိုလဲ..၀..အောင်သာစားထားကြ....ရှေ့ဘယ်မှာ.ဘာရှိမယ်ဆိုတာ...မသိဘူး..ခုနက.အမယ်အိုကြီး ကတော့..ရေခပ်ပြန်လာပုံရတယ်...မနီးမဝေးမှာပဲ..ရပ်ကြည့်နေတာမြင်လိုက်ရတော့....ကျွန်တော်တို့ဝယ်လာတဲ့(မစားရသေးတဲ့) ချောင်းသာက.ပုဇွန်ကင်တွေသွားပေးလိုက်တော့....အမယ်အိုကြီးပြုံးနေလေရဲ့။

ညနေစာစားပြီးတော့..ချက်ချင်းပဲ..ခရီးဆက်ခဲ့ကြပါတယ်။ မောင်းရင်း..မောင်းရင်း..ဒီလမ်းကိုလာမိတာ.မှားသလိုတောင်ဖြစ်နေပြီ..လို့တွေးမိလိုက်သေးတယ်။ မြို့ဆိုတာ..မမြင်ရသလောက်..တစ်ရွာနဲ့တစ်ရွာလဲ.တော်တော် လှမ်းပါတယ်။ မတော်....ခုနေ..ကားတစ်ခုခုဖြစ်ရင်တော့..သေဘီဆြာ..........

ရင်တထိတ်ထိတ်နဲ့ဆက်မောင်းလိုက်တာ...တဖြည်းဖြည်း.လမ်းဟာ.ကျဉ်းမြောင်းပြီး...ချိုင့်ခွက်တွေနဲ့...ဆိုးရွားစပြုလာပါပြီ။ ဂိတ်တစ်ခုရောက်တော့..ပြည်သို့..ပဒါန်းသို့..ဆိုတဲ့လမ်းခွဲလေးတွေလို့..ဂိတ်ကလူကိုမေးကြည့် လိုက်ပါတယ်။ ပုဂံညောင်ဦးကိုသွားချင်တယ်ပေါ့..ဘယ်လမ်းကနေသွားရင်အဆင်ပြေမလဲဆိုပြီး။

သူကတော့....ပဒါန်းလမ်းခွဲကိုပဲညွှန်ပါတယ်။ ပဒါန်းလမ်းခွဲရောက်ရင်...မင်းဘူးသို့ဆိုတဲ့..လမ်းခွဲလေးတစ်ခုတွေ့ပါလိမ့်မယ်။ အဲကနေ..မင်းဘူး၊ ရေနံချောင်း၊ချောက် ကနေ ပုဂံကိုခရီးလမ်းသာပါတယ်တဲ့။ နောက်ပြီး..နဂါး ပွက်အိုင်၊ မကွေးမြသလွန်ဘုရားတွေကိုလဲဖူးလို့ရတာပေါ့။ ဆန္ဒရှိရင်...မန်းရွှေစက်တော်ကိုလဲ..၀င်ချင်ရင်..၀င်နိုင်ပါတယ်ဆိုလို့....ပဒါန်းကိုပဲ.ဆက်လက်ခရီးဆက်ခဲ့ကြပါတယ်။

တစ်လမ်းလုံး..မောင်းနေရင်း..သတိထားမိတာကတော့.....ခရီးသည်ဘတ်စ်ကား၊ ကုန်တင်ကားတွေ...မတွေ့မိသလောက်ကို..ကိုယ့်ကားတစ်စီးထဲပဲ.ဒီလမ်းမပေါ်သွားနေသလိုပဲ။ တော်တော်ကြာကြာမောင်းမှ..ကုန်ကား.. တစ်စီး၊ နှစ်စီးလောက်ပဲမြင်မိတယ်။ ည (၁၁)နာရီကျော်လောက်မှာတော့.ရာသီဥတုက..တော်တော်ကိုအေးလာပါတယ်။ ရှမ်းပြည်အအေးပိုင်းကဆိုတဲ့..ကျွန်တော်တို့လဲ..မေးရိုက်မတက်ကို...ချမ်းလာတယ်။ ဒါနဲ့ပဲ..ကားကိုခဏရပ်ပြီး.နောက်ခန်းက..စောင်တောင်းရပါတော့တယ်။

ကားရပ်ထားရင်း..နားထဲမှာ..ရေကျသံလိုလို.ကြားနေရတယ်။ ဘယ်နားကပါလိမ့်.......ကားအောက်ငုံ့ကြည့်လိုက်တော့.....ဟိုက်........ရေစက်တွေ..ဆက်တိုက်ကျနေတယ်.......အင်ဂျင်ခန်းအဖုံးဖွင့်ကြည့်လိုက်တော့..... လား..လား...၀ါးတားပိုက်ပေါက်နေပြီ။ ရေတိုင်ကီဖွင့်ပြီး..ရေပြန်ဖြည့်ကြည့်တော့....ရေသန့်ဗူး.တစ်ဗူးနီးပါးလောက်ကိုလျှော့နေတယ်။ အနီးနားမှာလဲ....ရွာနဲ့တူတာဆိုလဲမရှိ။

ဒါနဲ့..ကားပေါ်မှာ..ရှာဖွေလိုက်တော့..၀ါယာတိတ်ခွေပဲရှိတယ်။ အင်း..ဒါနဲ့..ရသလောက်ထိန်းပြီး..ဆက်မောင်းရတော့မှာပေါ့။ ကံကောင်းထောက်မလို့.ရှေ့မှာ...ပြင်လို့ရမဲ့.နေရာလေးတွေ့ပါစေလို့.ဆုတောင်းရင်း..ဆက် မောင်းလိုက်တာ..ည (၁၂ )ကျော်လောက်မှာ..တော်တော်လေးရှည်တဲ့..သံဘေလီတံတားတစ်ခုကိုဖြတ်ခဲ့ရပြန်တယ်။

တံတားကျော်ပြီး..ရှေ့နည်းနည်းမှာတော့....မီးအလင်းရောင်မရှိပဲ..လရောင်အောက်မှာ တိတ်ဆိတ်နေတဲ့...အမည်မသိရွာလေးတစ်ရွာကိုရောက်တော့..လမ်းဘေးမှာပဲ..ကားကိုရပ်ပြီး...အခြေအနေကိုပြန်စစ်ဆေးလိုက်တော့ ခုနက ပေါက်ထားတဲ့.၀ါးတားပိုက်အပေါက်က..တော်တော်လေးကိုအပေါက်ကြီးနေပါပြီ။ ရေတွေလဲ..ဆက်တိုက်ကျနေတယ်။

အစကတော့..လမ်းဘေးမှာပဲ.ကားထိုးပြီး..အိပ်ကြမယ်ပေါ့။ မနက်လင်းမှ ရွာကလူတွေကိုမေးပြီး...အဆင်ပြေအောင်ပြင်ပြီးမှခရီးဆက်ကြမယ်ဆိုလို့..ကျွန်တော်လဲ..စောင်ခြုံပြီးကွေးနေလိုက်မိတယ်။ ရာသီဥတုကတော့ တော်တော်ကိုအေးတာ။ 15 မိနစ်လောက်နေတော့..ကုတ်ကြီးက....လာနှိုးတယ်။ ဒီတိုင်းအိပ်မဲ့အစား....တခုခုနဲ့..အပေါက်ကိုဖာထေးပြီး..ရှေ့ဆက်ကြရင်ကောင်းမယ်ပေါ့။

ထူပူတုန်းတာ..မေ့နေပေမယ့်..ခုမှသတိရတယ်......ကားကျွတ်စ နဲ့ပတ်လိုက်ရင်..အပေါက်ပိတ်သွားနိုင်တယ်လေ.....ဒါနဲ့..ဓာတ်မီးယူပြီး.....လမ်းဘေးတစ်လျှောက်က.အိမ်တွေကိုဓာတ်မီးနဲ့ထိုးလို့..ကျွတ်စ ရှာပုံတော်ဖွင့် ကြတာပေါ့။ ကံကောင်းတယ်လို့ပဲပြောရမယ်ထင်တယ်ဗျာ...ရှားရှားပါးပါး..ဆိုင်ကယ်ဘီးဖာဆိုင်လေးတစ်ဆိုင်တွေ့လိုက်တယ်။ ဆိုင်ကတော့.ပိတ်ထားပါပြီ။ ဒါနဲ့....ရှိလိုရှိညားဆိုပြီး..ဆိုင်ရှေ့ဓာတ်မီးနဲ့သေချာမွှေနှောက်ရှာ ဖွေလိုက်တော့.....တောင်းစုတ်လေးတစ်ခုထဲမှာ...ပစ်ထားတဲ့..ဆိုင်ကယ်ကျွတ်အစုတ်တွေကို..၀မ်းမြောက်စွာတွေ့လို့.....ဝေး..ခနဲဆိုပြီး..အော်လိုက်မိသေးရဲ့။

သေချာလေးအထပ်ထပ်ပတ်ပြီးချိန်မှာတော့....ရေစက်ကျဆင်းခြင်းဟာ..လုံးဝကိုရပ်တန့်သွားပါပြီ။ သေချာအောင်လို့.နာရီဝက်လောက်..ငုတ်တုတ်ထိုင်ကြည့်လိုက်ရသေးတယ်။ လုံးဝစိတ်ချရတဲ့အနေအထားရောက်ပြီဆိုမှ ခရီးဆက်ကြဖို့...အပိုဝယ်လာတဲ့..အင်ဂျင်ဝိုင်ပုံးခွံထဲက..ဒီဇယ်..လေးဂါလံလောက်ထပ်ဖြည့်ပြီး...စောင်ခြုံလို့ခရီးဆက်ခဲ့ကြပြန်တယ်။အေးချက်ကတော့...အလွန်ပဲဗျ။

မနက်လေးနာရီလောက်ထင်တယ်။ ပဒါန်းလမ်းခွဲဆိုတာကိုရောက်ပါတော့တယ်။ ရှေ့တည့်တည့်ဆို..မုံရွာသို့..ဘယ်ဖက်ကွေ့ရင်..တောင်ကုတ်သို့..ညာဖက်ဆို..မင်းဘူးသို့..ဆိုတဲ့..ဆိုင်းဘုတ်ကလဲ..လမ်းအကွေ့ကျော်မှ ထောင်ထားလို့....ဘက်ဂီယာနဲ့ပြန်ဆုတ်လိုက်ရသေးတယ်။ မင်းဘူးသွားတဲ့လမ်းကတော့...ဆိုးမှဆိုးဗျာ။ တောင်တက်တောင်ဆင်း၊ အကွေ့အကောက်များတဲ့အပြင်..ချိုင့်ခွက်တွေကလဲ..မင်းကုသ တောင်..အဘ ခေါ်ရ မတတ်။ ဂီယာတောင်....NO.4 မထည့်နိုင်ပဲ....2-3 နဲ့ပဲ.လှိမ့်နေရတယ်။

မနက်ငါးနာရီခွဲလောက်မှာတော့..မင်းဘူး-ရွှေစက်တော်လမ်းခွဲကိုရောက်ပါတယ်။ အဲမှာတွေ့တဲ့..တစ်ဆိုင်တည်းသော..စားသောက်ဆိုင်လေးမှာပဲ...မနက်စာဖြည့်တင်းရတော့တယ်။ မိန်းကလေးတွေကတော့.တစ်ယောက် မှမဆင်းပဲ..အိပ်လို့ကောင်းနေတုန်း။ မနက်စာစားပြီး၊ အင်ဂျင်ရေဖြန်း၊ ရေတိုင်ကီစစ်ပြီး..ရွှေစက်တော်သွားဖို့စိတ်ကူးမိလိုက်သေးတယ်။ 11 မိုင်ထက်မောင်းရမယ်ဆိုတော့...ကုတ်ကြီးက...မင်းဘူးပဲဆက်သွားတာကောင်း ပါတယ်ဆိုလို့...ရွှေစက်တော်မရောက်ဖြစ်လိုက်ပါဘူး။

ကားပေါ်တက်ခါနီး..နောက်ခန်းက..အေးမေက အသံတိုးတိုးလေးနဲ့...ရှေ့ကမြို့ရောက်ရင်..ဆေးခန်းပြချင်တယ်လို့ပြောတော့..ခေါင်းကြီးသွားရသေးတယ်။ ဘာများဖြစ်တာပါလိမ့်ပေါ့။တတ်သလောက်မှတ်သလောက် စမ်း သပ်ကြည့်လိုက်တော့....အားနည်းနေပုံရတယ်။ အင်း.....မင်းဘူးကိုရောက်ဖို့..သိပ်မလိုတော့ပါဘူးလေ။

မင်းဘူးရောက်တော့.မနက် (၇)နာရီထိုးခါနီးပါပြီ။ အရေးကြီးဆုံး...ဆီဖြည့်ရဦးမယ်။ ဒါနဲ့..လေပြေ ဆိုတဲ့ဆီဆိုင်လေးမှာကားရပ်လိုက်တယ်။ မြန်မာပြည်ရဲ့အပူဆုံးဆိုတဲ့.မင်းဘူးမြို့ကြီးရဲ့ ရာသီဥတုကလဲ ဖောက်ပြန်နေလေ ရဲ့။ အေးချက်ကတော့..ကျွန်တော်တို့မှာ..စောင်ခြုံနေရတုန်း။

ဖြစ်ချင်တော့..ကျွန်တော်ခြုံထားတဲ့စောင်က..အနီရောင်တောက်တောက်ကြီး....စောင်ခြုံပြီး.ကားပေါ်ကဆင်းတော့...ဆိုင်ရှင်အစ်မကြီးက..ပြေးလာပြီး..အရှင်ဘုရား..အာရုံဆွမ်းဘုန်းပြီးပြီလားတဲ့......ဟိုက်.....ဗုဒ္ဓေါ... သူမှားလဲမှားချင်စရာပါပဲ...ကိုယ်ကလဲ.ကတုံးပုံကြီးနဲ့..စောင်အနီကြီးခြုံထားတာကိုး....:D ကျွန်တော်လဲ..စောင်ကိုခွာပြလိုက်ပြီး..ဘုန်းကြီးမဟုတ်ပါဘူးဆိုမှ..အားလုံး...တဟားဟားနဲ့ဝိုင်းရယ်လိုက်ကြတာ.....မင်္ဂလာ ရှိတဲ့.မင်းဘူးမနက်ခင်းဆိုပြီး.မှတ်မှတ်ရရပေါ့.......

ဖြည့်လိုက်ရတဲ့ဆီက.....13 ဂါလံခွဲဆိုတော့.ပုသိမ်နဲ့..ဒီကိုခရီးဘယ်လောက်ဝေးတယ်ဆိုတာ..မှန်းဆကြည့်ပါတော့ဗျာ...ဒီ..ပုသိမ်-မုံရွာလမ်းသည်..ကျွန်တော့်အတွက်တော့....လုံးဝမသွားသင့်တဲ့လမ်းဆိုပြီး..မှင်နီတားလို့... အမှားခြစ်လိုက်ပါတော့တယ်။

မြို့ရောက်ပြီဆိုတော့..ချက်ချင်း..အေးမေကိုသတိရလိုက်မိတယ်။ ဆေးခန်းပြဖို့ပြောထားတာကိုး.....ဒါနဲ့..မြို့ထဲရောက်မှမေးမယ်ဆိုပြီး..မင်းဘူးမြို့ထဲကိုမောင်းဝင်လိုက်တယ်။ မေးစရာမလိုအောင်ပဲ...အထူးကုဆေးခန်း ကြော်ငြာဆိုင်းဘုတ်ကြီးက..မြို့လယ်ခေါင်မှာ....အကြီးကြီးထောင်ထားတာ...' နဂါးနီ ' အထွေထွေရောဂါကုဆေးရုံ ၊ ၂၄ နာရီဖွင့်သည်..ဆိုလို့....ကဲ....သွားကြတာပေါ့..နဂါးနီဆီသို့.......။

ဆေးရုံဝင်းထဲဝင်လိုက်တော့.....နာ့စ်မတွေ..အထူးအဆန်းသဖွယ်ကြည့်နေကြတယ်။ ရှေ့ခန်းက..အ၀ါရောင်ဆင်တူနဲ့.ကတုံးနှစ်ယောက်။ ကားတစ်စီးလုံးလဲ..ဟန်းဘတ်အိတ်တွေအပြည့်၊ ကားခေါင်မိုးပေါ်မှာလဲ..ချောင်း သာက၀ယ်လာတဲ့.အုန်းလက်နဲ့လုပ်ထားတဲ့ဦးထုပ်လေးတွေကိုချည်ထားတော့...သူတို့အတွက်ဆန်းနေပုံရတယ်။

စမ်းသပ်ခန်းထဲဝင်ပြီး..သွေးပေါင်ချိန်..ဟိုမေးဒီမေးနဲ့စမ်းလိုက်တော့..ထင်တဲ့အတိုင်းပဲ...ခရီးပန်းတဲ့ဒဏ်ကြောင့်..အားနည်းနေတာ...(ချောင်းသာမှာ..ကဲချင်အုံးလေ..:P ) ဒါနဲ့.အကြောဆေးထိုးပေးပြီး..သောက်ဆေးတွေ ပေးလိုက်ပါတယ်။ ကျန်တဲ့လူတွေကတော့..အမြတ်ပဲ....သန့်ရှင်းသပ်ရပ်လှတဲ့...ဆေးရုံမှာပဲ...အစာဟောင်းတွေကို..အခမဲ့..စွန့်လိုက်ကြတာ...နာရီဝက်လောက်စောင့်လိုက်ရသေးတယ်။ စောင့်နေတုန်း..အကြံပေါ်လာတာက ဒီလိုနေရာဆိုတာ..တော်ရုံရောက်တာမဟုတ်ဖူး..ဓာတ်ပုံရိုက်ဦးမှဆိုပြီး..ခုလိုအမှတ်တရ..မှတ်တမ်းတင်ခဲ့လိုက်တာပေါ့......

အားလုံးပြီးကြပြီမို့....ဆေးခန်းကနေထွက်လာကြပြီး..မကြာခင်...နဂါးပွက်တောင်သို့..ဆိုတဲ့လမ်းခွဲလေးတွေ့တော့.....အစ်မကြီးတစ်ယောက်ကို.....တော်တော်သွားရဦးမှာလား..လို့မေးလိုက်တာ....အောင်မလေး...နီးနီး လေးရယ်..လီဗာတစ်ချက်ဆွဲစာပဲမောင်လေးရေ...ဆိုလို့..ပြုံးလိုက်ရသေးတယ်။

သူပြောသလိုပါပဲ..ခဏပဲမောင်းလိုက်ရပါတယ်..နဂါးပွက်တောင်ကိုရောက်သွားပါတော့တယ်။ မနက်စောစောမို့ထင်တယ်..လူနည်းနည်းပဲရှိသေးတယ်။ တောင်ခြေမှာတော့..နတ်နန်းတွေချည်းပါပဲ။ စပါးကြီးမြွေတစ်ကောင် ကိုလှောင်အိမ်ထဲမှာလဲ တွေ့လိုက်ရသေးတယ်။

မီးတောင်ပုံစံလို..တောင်ကို...သံပန်းတွေနဲ့သေချာကာရံထားတဲ့...နဂါးပွက်အိုင်ဆိုတာကိုဒါနဲ့ဆို..မြင်ဖူးတာ.နှစ်ကြိ်မ်ရှိပါပြီ။ ပထမအကြိမ်ကတော့..ရှစ်တန်းကျောင်းသားဘ၀ကတစ်ခါမြင်ဖူးတာမို့..ကောင်းကောင်းမမှတ်မိ တော့ပါဘူး။ ဓာတ်ပုံဆရာတစ်ယောက်ကိုမေးကြည့်လိုက်တော့....ပွက်တဲ့နေရာဟာ...အမြဲအတည်အကျမရှိပါဘူးတဲ့..ခုမြင်ရတာကတော့....ထောင့်တစ်ထောင့်မှာ..ပွက်နေတဲ့ပုံပါ။

သူ့ပြောပုံအရတော့..ပွက်တဲ့ပုံတောင်မှ..ပဋ္ဌာန်းဆက်ရှိတဲ့လူဆိုရင်..နဂါးပုံစံလို ပွက်ပြတာဆိုပဲ.....ကျွန်တော့်အနေနဲ့တော့.ဒါတွေကိုယုံကြည်မှုမရှိတာတစ်ကြောင်း..သိပ္ပံနည်းကျစဉ်းစားရအောင်လဲ.ဥာဏ်မမှီတာမို့....မမြင် ဖူးတဲ့အရာတစ်ခုကို ကြည့်ခဲ့ရတယ်လို့ပဲ..သဘောထားလို့....ပုဂံမြေဆီသို့ပဲ..ဆက်လက်ခရီးဆက်ခဲ့ရပြန်တယ်။

ဧရာဝတီတံတားကြီးကိုဖြတ်ကူးပြီးတာနဲ့.မကွေးမြို့ကိုရောက်သွားပါတော့တယ်။ နှစ်ယောက်လုံးဘာတွေတွေးပြီး..ဘယ်လိုဖြစ်သွားတယ်မသိပါဘူး...မကွေးမြသလွန်ဘုရားကိုဖူးဖို့..သတိမေ့သွားပြီး..တောက်လျှောက်ဆက် မောင်းလိုက်ကြတာ..ရေနံချောင်းမှာ..ထမင်းစားမှပဲ..ပြန်သတိရတော့တယ်။ နောက်က..ပျိုကညာလေးတွေရဲ့ မေတ္တာတွေကိုလဲ..အားပါးတရခံယူလိုက်ရသေးတာပေါ့ဗျာ။

ရေနံချောင်းကနေထွက်လာတော့..ရာသီဥတုဟာ..ပူလာပါပြီ.....လမ်းမကြီးကလဲ..မျက်စိတစ်ဆုံး.ဖြောင့်တန်းလို့...ထမင်းစားပြီး..ဗိုက်ကလဲ..တင်းနေတော့...လူက..တော်တော်ကိုငိုက်နေပါပြီ.....ပေတေဆက်မောင်းရင်း ဘယ်လိုမှမဟန်တာနဲ့....လမ်းဘေးက..သစ်ပင်တစ်ပင်အောက်မှာ.ကားရပ်...မျက်နှာသစ်.....ခုန်လိုက်..ပြေးလိုက်..သီချင်းဆိုလိုက်.အော်လိုက်နဲ့....လန်းဆန်းအောင်..မနည်းပြန်လုပ်ရသေးတယ်။

ရှေးဟောင်းစေတီပုထိုးများနဲ့..ပုဂံမြေပေါ်ကိုရောက်တော့..ညနေသုံးနာရီထိုးခါနီးပါပြီ။ဒါဟာ သုံးကြိမ်မြောက်..ပုဂံရောက်ရှိခြင်းပါပဲ...... အစကတော့....ဒီပို့စ်မှာပဲ...ပုဂံခရီးစဉ်ကိုအပြီး..သတ်ဖို့စီစဉ်ထားပေမယ့်....ပို့စ်ရှည်သွား ပြီး..ပျင်းစရာကြီးဖြစ်မှာစိုးလို့...." ရောက်ခဲ့ရပြန်တဲ့...ပုဂံမြေ " ဆိုတဲ့..ခေါင်းစဉ်လေးနဲ့ပဲ. နောက်ထပ်တင်ဆက်သွားပါတော့မယ်.....အဲမှာတော့.ကျွန်တော်ရိုက်ဖြစ်ခဲ့တဲ့..ပုဂံက စေတီပုထိုးပုံတစ်ချို့နဲ့...နေ၀င်ဆည်းဆာ ပုံလေးတွေရယ်.....ဒုတိယအကြိမ်ရောက်ခဲ့တုန်းက..ရိုက်ဖြစ်ခဲ့တဲ့.အမှတ်တရပုံတစ်ချို့ကို.....တင်ဖို့တော့စီစဉ်ထားပါတယ်။

ဒီခရီးစဉ်ကို....သေချာမမှတ်မိတော့လို့...တချို့နေရာတွေမှာ..လွဲချော်ခဲ့တာလေးများရှိခဲ့ရင်လဲ...ခွင့်လွှတ်ပေးကြပါ....လမ်းကဆိုး.ကားကပျက်..မသွားဖူးတဲ့..လမ်းလဲဖြစ်နေလို့ပါ။မှတ်မိသလောက်ပဲပြန်ရေးထားတာ။ (အသက်ကလဲ.ကြီးပြီဆိုတော့လဲ..မန်မိုရီ..တော်တော်အောက်နေပါပြီ...ခုတောင်..မနည်း..လုတ်ဒင်ပြန်လုပ်နေရတယ်...ဒီလမ်းမှာမှတ်မိတာဆိုလုိ့..ဥသျှစ်ပင်မြို့တစ်မြို့ပဲရှိတယ်.:D) ခုတလော..ကျန်းမာရေးသိပ်မကောင်းလို့...Online ပေါ်လဲသိပ်မတက်ဖြစ်ပါဘူး။ အိမ်နီးချင်း..ဘလော့မိတ်ဆွေတွေဆီ..သွားရောက်လည်ပတ်အားပေးဖို့.ပျက်ကွက်ခဲ့တဲ့..နေ့ရက်တွေလဲမနည်းတော့ပါဘူးဗျာ....:( ကျွန်တော့်ရဲ့..ဘာမှမဟုတ်တဲ့..ခရီးသွားမှတ်တမ်းတွေကို..တကူးတကလာရောက်ကြည့်ရှုပြီး...အားပေးမျှဝေခံစားပေးတဲ့..မိတ်ဆွေများကိုလဲ..အထူးပင်ကျေးဇူးတင်ရှိပါကြောင်း..ပြောကြားရင်း..နားကြပါဦးစို့......

အားလုံးကိုချစ်ခင်လေးစားစွာဖြင့်
တွတ်တွတ်

Posted in: ခရီးသွားမှတ်တမ်း